ТАРО гэх хөзөр '44-78 ширхэгтэй' нь дэлхийд 500 гаруй төрөл байдаг, бараг манайхаас бусад бүх улсад бий. ТАРО ХӨЗӨРийн УХААНы хөгжлийн түүх ард түмнүүдийн олон олон домгуудтай холбогдон бичигдсэн байдаг. Ихэнхдээ эртний Египит, Франц, Английн нууц, далдын ухаантнууд, зохиолчид, зураачид, шашныхан, хутагт хувилгаад, мэргэ төлөгчдийн эрдэм мэдлэгийн сан гэж үздэг. Гарал үүслийн хувьд хүн ба байгал ертөнцийн харилцан хамаарал, шүтэлцээтэй холбоотойгоор дүрс зураглал, тоо тэмдэглэгээгээр илэрхийлэгдэн, хад чулуу, хана туурга, даавуу цаасан дээр буулгагдсан байна. 78 хөзөр - карт дээр байгаа дүрс зургууд нь нууцын ухаан, одон орон зурхай, хувирахуйн ухааны үүднээсээ ч маш нарийн нууцлаг бөгөөд логикт санааг агуулсан байдаг. Тийм ч учраас энэхүү карт хөзрөөр ажилладаг хүмүүсийг далд ертөнцтэй холбогдож чаддаг, нууцын мэдлэгийг эзэмшсэн хүмүүс гэж байнгад үзэж байжээ, одоо ч энэ нь хэвээрээ. Зарим нь энэхүү хөзрийг Атлантидийн цэцэн мэргэдээс өвлөгдөн үлдсэн гэдэг. Египитийн санваартан хутагтуудад Цэцэн ухааны Бурхан – Тотоос дамжуулсан өгсөн өөрсдийн ариун мэдлэгийг үндэслэн зохиож бүтээсэн гэх домог ч бий.