Монгол

Уг ном нь 12 жилийн математикийн боловсролын стандартын дагуу Too тоолол, Алгебр, Геометр, Магадлал статистик гэсэн дөрвөн айн хүрээнд суралцагчдын эзэмших цогц чадамжийг бүтээлчээр төлөвшүүлэх зорилгоор танин мэдэхүйн төвшинд мэдлэгийг өөрөө бүтээх үйл ажиллагаанд баримжаалан бүтээгдсэн болно.   Суралцагчдын бие дааж гүйцэтгэх жишээ дасгал, бодлого, үгийн сүлжээ, математикаар зураг зурах, хувилбартай даалгавар, чадвараа сорих тестүүд, өөрийнхөө төвшинг тогтоох хяналтын ажлуудыг оруулсан нь сурагчид эх хэл, математик хэлээр харилцан ярилцах, өөрийн санаа бодлоо учир зүйн үндэстэй илэрхийлэх, загварчлах, судалж буй сэдвүүдийн бодлогуудыг бодож асуудлыг шийдвэрлэх зэрэг цогц чадамжийг төлөвшүүлэхэд чиглэгдэнэ. Энэ номыг хэрэглэснээр ажиглах, тооцоолох, жиших, харьцуулах, туршилт хийх, шууд ба урвуу үйлдэл хийх зэрэг үйл ажиллагаанд суралцаж оюун ухаанаа хөгжүүлэх болно.  