“Гуалиг оршихуйн нууц буюу ямар нэгэн хориггүйгээр турах нь” номын зохиогч Б. Итгэл нь өөрийн амьдралын туршлага, судалгаан дээр тулгуурлан, монгол эмэгтэй хүнд таарсан бие болон сэтгэл зүйн турах аргыг олсноо харамгүй хуваалцаж байна. Энэхүү номонд бидний амьдралын хэв маяг, турах зорилго урьдаа тавин ямар нэгэн арга хэрэглэвч, эргээд л эхэлсэн цэгтээ хүрчихдэг “хархны тойргийн” талаар тод томруунаар бичжээ. Түүний номны хуудаснуудаас өнөөдрийн монголын бүх насны эмэгтэйчүүдийн түгээмэл асуудал, яагаад турж чаддаггүй шалтгаануудыг нь тухай бүрийн төлөөлөл дүрүүдээр сонирхолтой харуулж, шийдэх арга зам, гарцыг нь зааж өгчээ. Бүдүүмаа, Сэтгэлмаа, Дарууханмаа гэдэг номны дүрүүдээс бүсгүй та өөрийгөө заавал олж харах болно. Энэ номонд хоолоо сойж, хөлсөө асгаруулж, нэмэлт бүтээгдэхүүн хэрэглэлгүйгээр турах гайхалтай боломжийн талаар өгүүлсэн байгаа. Уг номыг цомог дагалдах ба тайвшруулах, ходоод агшаах, идэх дур хүслийг багасгах бясалгалын хичээл багтсан байна.