Монгол газар нутагт оршин амьдарч байсан эртний овог аймгуудыг 'хурал' удирдаж байсан хэмээн хэлэх бүрэн үндэстэй. Хуралд овгийн гишүүд нийтээрээ оролцож бүх зүйлийг хэлэлцэн шийдвэрлэж овгийн ахлагчийг сонгодог байв. Овгийн хурал ахлагч тэргүүнийг огцруулах хүртэл өргөн эрх мэдэлтэй байжээ. Тэрхүү гол шинжээр нь овгийн хурлыг чөлөөт, ардчилсан агуулгатай хэмээн тодорхойлно. Монгол нутаг дахь овог аймгууд төр улсын зохион байгуулалтанд орохын хэрээр хурлын шинж чанар алгуур өөрчлөгджээ. Овог, аймгийн хурлын ахлагч-тэргүүнийг сонгох эрх нь хэвээр байсан хэдий ч түүнийг өөрчлөх, огцруулах эрх нь хаагдсан байна. Хурал өөрийн томилсон хүнийг захирдаг урьдын явдал, овог аймгийн тэргүүн өөрийг нь сонгосон хурлыг захирах байдлаар солигджээ.