Уг номд бүх насныханд зориулсан байгалийг танин мэдэх тоглоомууд орсон бөгөөд энд тусгасан заах арга зүйн шинэлэг аргачиллын ачаар зөвхөн бага насныхан гэлтгүй томчууд ч өөрийгөө таних хөгжилтэй тоглоом, дасгалуудыг сурч авахаас гадна бясалгал, бодролын талаар цогц ойлголттой болох юм. Аль ч насны хүн эх дэлхийтэйгээ ойр байвал илүү жаргалтай болж, бие махбодоороо ч, сэтгэл санаагаараа ч эрүүлжиж, эрдэм номдоо илүү мэриймтгий болдгийг бодит туршлага, судалгаанууд харуулсаар байгаа билээ. Байгаль эх бидний сэрэл мэдэрхүй, эрүүл мэнд, гэр бүлийн уур амьсгал, нийгмийн амьдралд түүгээр барахгүй амьтадтай харилцахад маань эерэгээр нөлөөлдөг. Энгийнээр хэлбэл бид байгальтай холбогдох уялдаа сэжмээ сэргээн тогтоосноороо өөрсдийн амьдралаа ч бас сэргээдэг ажээ.