Хувцаслах соёлын тухайд хуний өмссөн хувцас нь хэл яриа , дохио зангаа, зан араншингийн нэгэн адил уг хүний тухай бодит, багц мэдээллийг өгдөг. Тухайн хүний нийгэмд гүйцэтгэх үүрэг, соёл боловсрол, зэрэг зиндаа.үзэл бодол, таашаал, мэдрэмж, үнэт зүйлд хандах хандлага, ааш араншинг нь хүртэл хувцасаар тодорхойлж болно. Хүмүүсийн тодорхой хүрээ, хэсэг бүлэг бүр өөр өөрсдийн онцлогтой, 'хувцаслах хуультай ' байдаг. Аливаа хүн хувийн ба албан шугамаар ямар нэг тодорхой хүрээнд нэвтэрч байр сууриа эзлэхэд хувцаслалт, гадаад төрх нь маш их үүрэг гүйцэтгэнэ. Өнөөгийн орчин үеийн хувцас загварын хөгжил, чиг хандлагыг эклектизм (холимог) юм гэж зоригтойгоор хэлж болно. Үе үеийн холимог хэв маяг. Бүгдийг хольж, нийлүүлж тус тусад нь ч ашиглаж болох эрх одоо үед хэнд ч олгогдсон байна.Жинлүүрийн эрин үе иржээ. Хүн төрлөхтөн хангалттай мэдлэг, туршлага хуримтлуулсан өнөө үед түүн дээрээ үндэслэн юуг ч бүтээж болохоор байна. Өнөөдөр шиг ийм их мэдээлэл, ийм их боломж урьд өмнө хэзээ ч байгаагүй юм. Орчин үеийн загварын гол уриа бол юу л сонирхолтой байна түүнийгээ л ашигла.түүнийгээ л өмс. Загварын тайзнаа ч, холливудын улаан хивсэн дээр ч, амьдрал дээр ч эртний стиль, грекийн хатдын дүр төрх, хэзээ ч бүдгэрдэггүй Марлен Дитрихийн дүр төрх г.м толгой эргэм ямар ч дүр теөхийг олж харж болохоор байна.