Зохиолч Ц. Буянзаяагийн "Улаагчин ингэж хэлсэн" роман нь нийгмийн шилжилтийн үеийн залуучуудын амьдрал, хайр сэтгэл, хүсэл тэмүүлэл тэдэнд зохиосон харуусалтай түүхийг өгүүлсэн зохиол юм. Зохиолд цаг үеийнхээ салхи шуурганд ширэлдсэн Халаа, Нандин нарын эмгэнэлт хувь заяа хийгээд тэрхүү үйл явдлын гэрч болсон Алтай, Цагаанаа, Туяа нарын тухай өгүүлдэг. Мөн эдүгээ цагийн өнгөнд харь нутагт амьдарч буй Хэрлэн, Изабель нарын тухай ч зэрэгцэн өгүүлэгддэг.