Жолоочийн цагаан толгой

Автомашин нь орчин цагийн та бидний өдөр тутмын амьдралын салшгүй нэгэн хэрэглээ болж, автомашин хэрэглэгчдийн тоо жилээс жилд өсөн нэмэгдэж байна. Энэ нь нэг талдаа цаг нартай уралдан ажиллаж байгаа та бүхний алба амины ажил төрлөө шуурхай амжуулах, амралт чөлөөт цагаа ая тухтай өнгөрөөхөд эерэг сайн талтай боловч нөгөө талаар техникийн бүрэн бүтэн байдал, дүрмийн мэдлэг, жолоодох чадвар, замын хөдөлгөөнд оролцох соёл дутуугаас осол эндэл гарах, эд хөрөнгө үрэгдэх, эрдэнэт хүний амь эрсдэх зэрэг маш олон сөрөг үр дагавар гарсаар байна. Тиймээс автомашин эзэмшигч, жолооч та бүхний мэдлэгт нэмэр болох болох вуу гэж өөрийн өчүүхэн туршлага дээр үндэслэн, бусад эх сурвалжаас авсан мэдээллээр баяжуулан энэхүү гарын авлагыг бичиж, өргөн барив. 
Энэхүү гарын авлага нь инженер техникийн ажилтан, засварчдад зориулаагүй автомашин эзэмшигч, замын х өдөлгөөнд оролцож буй жолооч нарт зориулсан тул ойлгоход төгвөгтэй хүнд мэргэжлийн нэр томьёо, онолын ойлголтоос зайлсхийж аль болох техникийн хэллэгийг жолооч нарын дунд х элж хэвшсэн үг хэллэгтэй уялдуулан энгийн ойлгомжтой бичихийг хичээсэн билээ.