Монгол

#ДОМООС_ҮҮССЭН_ДОМОГ 📚📖Энэхүү зохиол нь аутизмын хүрээний эмгэгтэй хүүгийн амьдрал, тэмцлийн тухай өгүүлсэн тууж юм. Монголын уран зохиолд аутизмын эмгэгийн талаар хөндөн бичсэн анхны зохиол билээ. 🥰 Монгол улсын Ардын уран зохиолч, хөдөлмөрийн баатар ТАНГАДЫН ГАЛСАН номыг хянан тохиолдуулсан. 🧏‍♀️Аутизм бол нийгмийн харилцааны эмгэг бөгөөд аутизмтай хүмүүсийн онцлог, өвөрмөц зан төлөв, тэднийг нийгэмшүүлэх, хүлээн зөвшөөрч, зэрэгцэн хөгжих талаар нийгэмд таниулахыг зорьж бичигдсэн. 🙏Мөн ардын уламжлалт анагаах ухаан, улбаа боловсролын өвийг тэмтчин эцэг эх хүмүүн, багш сурган хүмүүжүүлэгчид мэдэхэд илүүдэхгүй байгаль нийгмийн зүй тогтол, өвгөдийн ухаан, амьдралын бор арга, дом шившлэг, сэтгэл заслын аргуудыг уран зохиолоор дамжуулан мэдүүлэхийг зорьсон. 👩‍🏫Номыг зохиогч нь бага ангийн багшаар хорь гаруй жил ажилласан учир хүүхдийн дотоод ертөнц, зан төлөвийн байдал, сэтгэл зүйн нарийн дүрслэл харуулснаараа онцлог.