Цогц Хөгжлийн Үндэсний Төвийн Социологийн хөгжлийн хөтөлбөр-ийн хүрээнд хэвлүүлсэн Нийгэм цувралын нэгдүгээр ном болгож УЛСЫН ЭРХ номыг хэвлүүллээ. Уг номыг Олноо Өргөгдсөн Богд Хаант Монгол Улсын хамаг хэргийг бүгд ерөнхийлөн шийтгэх яамны тэргүүн сайд, Сайн ноён хан Т. Намнансүрэнгийн зарлигаар Жамсрангийн Цэвээн 1914 онд туурвижээ. УЛСЫН ЭРХ бүтээл нь 100 жилийн өмнөх Монголчуудын үзэл санааны түүхэн өв юм. Уг бүтээлд Монголчууд бидний өнөө цаг үед хамгаалах гэж тэмцэлдэж буй ардчилал, хүний эрх, эрх чөлөөг улсын хөгжлийн суурь болгон тунхаглан бичжээ. Харамсалтай нь уг эрхээ өөрийн зоргоор эдлэх боломж олдолгүй бусдын эрхэнд явж, гайхамшигт үзэл санаа нухчин дарагдаж, хэлмэгдэж, мартагдсан нь харамсалтай.