Манай улсад сүүлийн жилүүдэд цэцэрлэг, сургуулийн бага ангийн сурагчдын дунд хэл ярианы болон унших, бичих, тоо бодохдоо хүндрэл бэрхшээлтэй тулгарах хүүхэд, сурагчдын тоо нэмэгдэх болсон. Багш нар, эцэг эхчүүд дээрх асуудлын мөн чанарыг ойлгож хэрхэн таних, илрүүлэх болон ажиллах, дэмжлэг тусламж үзүүлэх арга зүйгээ тодорхойлж чадахгүй тохиолдол цөөнгүй гарч байгаа нь тухайн сэдвийн онол, практикийн асуудлыг шинжлэх ухааны үүднээс судлах хэрэгцээ шаардлагыг бий болгож байна.