-Хүнсний асуудалд хэрэглэгчийн мэдлэг, үйлдвэрлэгчийн хариуцлага, төрийн бодлого харилцан уялдаатай. Төр нь бодлоготой байж, үйлдвэрлэгч нь хариуцлагатай байж, хэрэглэгч мэдлэгтэй байвал хүнс аюулгүй байна гэж ойлгоно. Төр нь хичнээн бодлоготой байгаад, үйлдвэрлэгч нь хичнээн хариуцлагатай байгаад иргэн мэдлэггүй бол аюултай хүнс л хэрэглэнэ. Хэрэглэгч дотоодынхоо юмыг чанаргүй, хортой гэж хүлээж аваад эргэлзээд байвал үйлдвэрлэл хөгжихгүй, импортын хүнсээ хэрэглэсээр байх болно. Тиймээс би иргэдийн мэдлэгт жаахан ч болтугай нэмэр болохоор ажилладаг юм. Төр, үйлдвэрлэгч, иргэн гурав гурвуулаа л хичээж байж, уялдаатай ажиллаж байж эрүүл, аюулгүй хүнс хэрэглэнэ.