Хүүхдийг хөгжүүлж төлөвшүүлэхдээ цаашдаа ямар байх нь тодорхойгүй, эрчимтэй хувьсан өөрчлөгдөж буй нийгэмд бидний явуулж буй боловсролын үйл ажиллагаанаас юу нь үлдэж хоцорч, тэдний хожмын амьдралд ач тусаа илүү өгөх вэ гэдгийг юун түрүүнд авч үзэх шаардлага тулгарч байна. Энэхүү номоос шинэ зуунд боловсрол хэрхэн өөрчлөгдөх, үнэт зүйл яагаад боловсролын цөм нь болдог, бид үнэт зүйлээ хүүхдэд багаас нь хэрхэн өвлүүлж, сайн хүн болгон төлөвшүүлэх, тэдний хөгжил төлөвшлийг яаж бодитой үнэлэх, сургуулийн өмнөх боловсролын чанарыг сайжруулах арга зам юу вэ зэрэг олон тулгамдсан асуултад шинжлэх ухааны үндэстэй тодорхой хариулт авах боломжтой.

Сургуулийн өмнөх боловсролын байгууллагын удирдлага, багш нар, оюутан сурагчид болон бодлого боловсруулагч, мэргэжилтэн, судлаачдад зориулсан бөгөөд мөн бага ангийн багш нар, бага насны хүүхэдтэй эцэг эх ашиглаж болно.