Тарган муур Орчин үеийн утга зохиол

Зохиолч эл зохиолоороо өнөө цагийн залуусын дотоод зөрчил, хотжилтыг даган илэрч буй хувь хүний сэтгэлзүйн асуудал, эрэгтэй эмэгтэй хүмүүсийн дотоод ертөнц дэх хүйсийн ойлголтууд хэрхэн өөрчлөгдөж буйг уудлан үзүүлэхийг зорьжээ. "Тарган муур" нь - хөгжимчин эмэгтэй, зохиолч эрэгтэй - хоёр өнцгөөс нэгэн зэрэг хүүрнэх ухамсрын урсгалаар өрнөх зуураа далд ухамсар, төсөөлөл, зүүд совин зэргээр дамжуулан "Нэг урлаг нөгөөгийнхөө цуурай мөн үү?" гэсэн асуултад хариулт хайж байна.