Бүхий л цаг үеийн хамгийн хүчтэй зэвсэг бол гадаад хэлний мэдлэг байсаар ирсэн бөгөөд хэл соёлын ойлголт нь ертөнцийг танин мэдэхэд өргөн цэлгэр цонх мэт байж чаддаг.
Энэхүү сурах бичигт солонгос хэлний анхан болон дунд шатны дүрмүүд, өдөр тутам идэвхтэй ашиглагдах шинэ үгс, хялбар хийгээд ойлгомжтой тайлбарласан видео хичээл, солонгос хэлний түвшин тогтоох шалгалт (TOPIK)-ын 1-2-р түвшний төрөлжүүлсэн тест хийгээд зохион бичлэг, урам өгөх мэргэн үгс, сонирхолтой аппликэйшн тоглоом болон программууд (тайлбар дүрс бичлэг бүхий), хөгжилтэй дасгал ажил, сонсох аудио QR, өгүүлбэр бүрийг http://worldlanguage.mn/ сайтаар дамжуулан дүрэм, үгээр задалсан, мөн орчуулгын хамт үзэх хийгээд бусад эх материалуудыг эмхэтгэн ойлгоход хялбар байдлаар найруулсан болно.
Уг бүтээлээр минь дамжуулан суралцагч та бүхэн харилцан яриаг анхан шатны түвшинд ойлгох, өөрийн үзэл бодлыг илэрхийлэх, 80-100 орчим үгтэй зохион бичлэг бичих, солонгос хэлний түвшин тогтоох шалгалтын 1-2-р түвшин, EPS-TOPIK (гэрээ)-ны шалгалт өгөх бүрэн чадвартай болоод зогсохгүй цаашид үргэлжлүүлэн сурах зөв суурийг олж авах юм.