Монгол

<p>Уран зохиолын ном бөгөөд өсвөр насны охины амьдралын талаар гарна. Тэрээр бага насандаа авсан айдас, сэтгэлийн шархтайгаа олон жил амьдарсан ба түүнийгээ хэнд ч мэдэгдэж байгаагүй тул ойр тойрныхон, гэр бүл, найз нөхөд, хамаатан садан нь хүртэл жирийн нэг жаргалтай охин шиг харьцдаг. Гэвч өөрөө бол үргэлж айдастаа баригдаж амьдардаг байсан болохоор өөрийнхөө амьдралд маш их асуудал байна хэмээн сэтгэл шанална. Гэхдээ хэзээ ч тэрхүү асуудлууддаа бууж өгөөгүй бөгөөд өөрийнхөө хамгийн сайнаар хичээж хүн болгон мундаг гэж магтдаг охин болсон байдаг. Харин өөртөө бол маш сул дорой нэгэн учраас өөрийг нь тайтгаруулдаг, өөрт нь чин сэтгэлээсээ ханддаг нэгэн хамгаалагчийг сэтгэлдээ бүтээсэн бөгөөд ахлах ангиа төгсдөг жил тулгарсан нэгэн том асуудалдаа жинхнээсээ бууж өгөхөөр шийдсэн тул түүний хамгаалагч буву чоно охины төлөө олон зүйл хийдэг. Ингээд зүүдтэйгээ учирч зүүдний хамгаалагчтайгаа хамт өнгөрсөн, одоо, ирээдүйгээрээ аялах зуураа юу боддог, юунд эмзэглэдэг, юунаас айдаг зэрэг олон олон асуудлуудынхаа мөн чанарыг ойлгож хамгийн сүүлд эргэлзээд байсан бүх зүйлийнхээ учрыг олоод дуусна.</p>