Энэхүү роман нь 20 дугаар зууны дунд үе буюу 1940-өөд оны сүүл үед баруун хязгаар нутгийн ард иргэдийн амьдралд тохиолдсон гашуун түүх буюу хил хязгаарын үймээн самуунт амаргүй үйл явдлаас сэдэвлэгдэн бичигджээ. Зохиолд удам угсаагаараа холбоотой ах дүүсийн хүүхдүүд болох Жаарай, Дунцаг нарын амьдрал, хайр сэтгэлд хандах хандлага нь үйл явдлын зөрчилтэт өгүүлэмжийг үүсгэн тэр нь эцэстээ эмгэнэлт түүхийг бүтээж, үе дамжсан харуусалт явдал болж буй тухай өгүүлдэг.