Англи хэлийг сурах хэрэгцээ шаардлага улам өсөн нэмэгдэж байгаа энэ үед
ярианы англи хэлээ баяжуулах, унаган англи хэлтэй хүмүүстэй ойлголцох,
түүнчлэн IELTS, TOEFL-ийн шалгалт өгөхөөр бэлдэж буй суралцагчдад
тус нэмэр болох үүднээс энэхүү номыг орчуулан гаргаж байгаадаа таатай
байна. Юуны өмнө хэлц үйл үг юу болох талаар товч танилцуулъя. Хэлц
үй л үг нь үйл үг угтвар үгтэй эсвэл үйл үг дайвар үгтэй нийлж үүснэ.
(Phrasal verbs are verbs plus a preposition or an adverb (or followed by two))
Хоёр үг хамтдаа нийлж тус тусын утгаасаа өөр утга гаргадаг. Үүнийг хэлц
үйл үг (Phrasal verb) гэж нэрлэнэ. Хэлц үйл үгийн утгыг судалж мэдсэнээр
гадаад хэлийг сонирхон судалж буй хүмүүст өндөр ач холбогдолтой
бөгөөд яриа болон бичгийн хэлэнд хэрэглэж чаддаг байх нь тухайн хэлийг
төдийчинээ сайн эзэмшсэний илэрхийлэл болдог. Энэхүү ном нь хамгийн
түгээмэл хэрэглэгддэг англи хэлний цагаан толгойн дарааллаар нийт 25
бүлгийн 236 хэлц үйл үгийн олон утга, тус бүр дээрх жишээ өгүүлбэр,
дагалдах дасгалууд тэдгээрийн хариуг багтаасан болно. Та бүхний цаг
хугацааг хэмнэн англи хэл сурах үйлсэд ихээхэн хувь нэмэр оруулна
гэдэгт итгэлтэй байна.