Монгол

<p>Бид энэхүү номонд сэтгэцийн шинж, байдлын тухай болон тодруулбал зан төлөв, темперамент, сэтгэлийн хөдөлгөөн, оюун ухааны талаар агуулгадаа багтааж өглөө. Хүн бүр өөрийн хувийн онцлогоо танин мэдэхэд нь туслах зорилгоор шинжлэх ухааны үг хэллэгийг хялбаршуулсан байдлаар тайлбарлаж, өөрийгөө судлах боломж бүхий арга аргачлалыг оруулж өгснөөрөө онцлогтой бүтээл юм.&nbsp;<br>Та өөрийгөө судлаад зогсохгүй хүүхдээ, хань ижлээ, хамт ажиллагсдаа &nbsp;судалснаар тэдний сэтгэл зүйн хувийн онцлогийг танин мэдэж, онцлог байдалд нь тохируулан харьцах, давуу болон сул талтайгаа ажиллах зэргээр сэтгэл судлалын шинжлэх ухааны ололт амжилтыг өдөр тутмынхаа амьдралд хэрэгжүүлэх боломж нөхцөл бүрдэж байгаа юм.<br>Энэхүү номтой ажилласнаар хүн бүр өөрөө өөртөө сэтгэл зүйч болж өөрийн байгалиас заяасан өгөгдлөө, өөрт тулгамдаж буй асуудал бэрхшээлээ, өөрийн нөөц боломжоо сэтгэл судлалын шинжлэх ухааны судалгааны тест, сорилоор судлан танин мэдэж, асуудал бэрхшээл тулгарвал анхан шатны зөвлөгөө зөвлөмжийн дагуу өөртэйгөө ажиллах дасгал, даалгаврыг гүйцэтгэж сэтгэл хэмээх эрхтнээ илаарьшуулах бүрэн боломжтой юм.</p>