Монголын бахархал
Зохиолчийн бусад номууд
Ихэвчлэн хамт авдаг
Санал болгох
Танилцуулга
Монгол улстай хувь заяагаар холбогдоод аль хэдийн 20 жил өнгөрчээ. Энэ хугацаанд Монголд 30-аад удаа очиж байснаас гадна 2008-2010 оны хооронд МУИС-ийн Эдийн засгийн сургуульд профессороор ажиллаж байлаа. Би менежментийн зөвлөх (Management consultant) чиглэлээр ажилладаг ба Глобис хэмээх бизнесийн сургууль байгуулж, тус сургуулийн захирлын захирлын албыг хашихын зэрэгцээ оюутнуудад хичээл зааж, бизнесийн боловсролд өөрийн хувь нэмрээ оруулж явсан.
Үүсгэн байгуулахад нь гар бие оролцсон бизнесийн сургууль маань Globis Удирдлагын Их сургууль (Graduate school of Management Globis University) нэртэйгээр өдгөө Японы хамгийн том бизнесийн сургууль болжээ.
Энэхүү туршлага дээрээ үндэслэн Монголын залуу үеийн бизнесийн боловсролд хувь нэмэр оруулахаар МУИС-ийн Эдийн засгийн сургуульд хоёр жил багшаар ажилласан. Түүний дараа Япон руу буцсанаас хойш ч, Монголд ойр ойрхон ирж компани, аж ахуйн нэгжүүдэд зөвлөгөө өгдөг байв. Энэ хугацаанд олон сайхан монгол найзуудтай болж, миний хувьд Монгол улс хоёр дахь эх орон минь болсон билээ.
2008 оноос “Монголын цүрэзүрэ тэмдэглэл” гэдэг нэртэй блог бичиж эхлээд 14 жил болж байгаа бөгөөд 2,200 гаруй нийтлэл бичжээ. Доорх линкээр ороод, уншиж үзээрэй. https://plaza.rakuten.co.jp/mongolmasami/
Дунджаар жилд 150, сард 13 тэмдэглэл бичиж ирсэн минь Монголын тухай бичдэг япон хүний хувьд багагүй тоо хэмээн бодож байна. Үүнээс гадна Монгол хийгээд нүүдэлчдийн түүхийн тухай олон ном уншиж, Монголын түүхийн талаар чамгүй мэдлэгтэй болов.
Иймд эдгээр туршлагадаа тулгуурлан, Монголын өнөөгийн залууст “Монгол хүн гэж хэн бэ?”, “Монгол гэж ямар улс байдаг вэ?” гэдгийг гадаад хүний өнцгөөс харуулахыг зорилоо. Хэдийгээр түүхч биш, улстөрч ч биш, жирийн нэг олон улсад ажилладаг менежментийн зөвлөх, монгол судлаач биш ч гэсэн олон жилийн турш Монгол орныг хайрлаж, сонирхож буй япон хүний хувьд “Монгол залуус маань, Монголоороо бахархаж яваарай!” гэсэн сэтгэлээр, гадаад хүмүүстэй харилцах боломж их, ялангуяа хорь, гучаад насны залууст зориулж бичлээ. Мэдээж бусад насны хүмүүс ч гэсэн таалан уншвал гүнээ талархана.
Үзүүлэлт
- ISBN-13 : 9789919010362
- Худалдаанд гарсан огноо : 2023-06-09
- Формат : Зөөлөн хавтастай
- Нүүрний тоо : 172 нүүр
- Эрхлэн гаргасан : Нэпко хэвлэлийн газар
- Бүтээлийн хэл : Монгол
- Жин : 380 гр
- Хэмжээс : 170 x 240 x 5 мм
ISBN-13 | 9789919010362 |
---|---|
Худалдаанд гарсан огноо | 2023-06-09 |
Формат | Зөөлөн хавтастай |
Нүүрний тоо | 172 нүүр |
Эрхлэн гаргасан | Нэпко хэвлэлийн газар |
Бүтээлийн хэл | Монгол |
Жин | 380 гр |
Хэмжээс | 170 x 240 x 5 мм |
Зохиолчийн талаар
Хэрэглэгчийн сэтгэгдэл
Сэтгэгдэл үлдээх
Хэрэглэгчийн сэтгэгдэл байхгүй