Боловсрол - бол хувь хүний хүмүүжил, сургалтын цогц бөгөөд олж авч буй мэдлэг, чадвар, дадал, үнэт зүйлийн ойлголт, үйл ажиллагааны мэдлэг чадвар болон туршлагын нэгэн том бүхэл юм.Боловсролыг чухам ямар түвшинд асуудлыг авч үзэж байгаагаас хамаарч өөр өөрөөр тодорхойлох боломжтой. Хэрвээ хувь хүний түвшинд буюу явцуу утгаар авч үзвэл боловсрол нь &quot;хүний өөрийгөө боловсруулж хөгжүүлэхийн тулд ухамсартайгаар хийж байгаа танин мэдэх үйл ажиллагаа, түүний үр дүн&quot; гэж тодорхойлж болно. Харин нийгмийн түвшинд буюу өргөн утгаар нь авч үзэж байгаа тохиолдолд боловсролыг &quot;иргэдийн сурч боловсрох, хөгжих эрхээ эдлэхэд нь төр, нийгмээс дэмжлэг үзүүлж байгаа үйлчилгээ, түүний үр дүн&quot; гэж тодорхойлж болно.