Энэхүү номд газрын ховор элементүүдийн онцлог шинж чанар, хэрэглээ, эрдэс, хүдрийг баяжуулах технологи, хүдэр, баяжмалыг уусгах ба уусмалаас газрын ховор элементийг ялгаж авах аргууд болон Монгол орны Лугийн гол, Мушгай худаг, Халзан бүргэдээ зэрэг ордуудын газрын ховор элементийн хүдрийн эрдэс бүрдэл, химийн найрлага ба хүдрийн баяжигдах, уусах технологийн шинж чанарын талаарх судалгаа шинжилгээний үр дүнг нэгтгэн оруулав. Мөн дэлхийн томоохон ордуудаас ГХЭ-ийн хүдэр олборлох, баяжуулах, ба баяжмалыг гүн боловсруулах явцад хүрээлэн буй орчинд үзүүлсэн нөлөөлөл, эрсдэлийг судалсан судлаачдын ажлын үр дүнгээс тоймлон харуулсан болно. Эрдэм шинжилгээний байгууллага, их дээд сургуулийн багш, эрдэмтэн судлаачид, оюутнууд, хими технологичид, эрдэс баялгийн мэргэжилтнүүдэд зориулав.