Монгол

Санхүүгээ удирдах чадвартай уялдан мөнгөнийхөө эзэн нь байх уу, боол нь болох уу? гэдэг нь тухайн хүний зан төлөв, санхүүгийн мэдлэг, амьдралын хэв маяг, дадал зуршил, хандлагаас шууд хамаарах юм. Хандлагаа өөрчилж цэгцлэхгүйгээр санхүүгийн ертөнцөд хөл тавих боломжгүй. Учир нь санхүүгийн ертөнц сайныг муугааас, үнэнийг худлаас, зөвийг буруугаас ялгаж чаддаг. Мөн хэчнээн их хөрөнгө, мөнгөтэй байлаа гээд дэргэдээ хайрлах, хайрлуулах хүнгүй, мөрөөдөлдөө хүрээгүй, сайхан түүх бүтээгээгүй, дургүй ажлаа хийдэг бол тухайн хүнийг баян гэж хэлэхэд бас хэцүү л дээ. Ирээдүйд санхүүгийн хүндрэлд орохгүй, орлогоо өсгөх, хуримтлалтай болох, хөрөнгө оруулах, хэмнэлт, боломжийг бий болгох, үргүй зардлаа танах, хязгааргүй хэрэглээг хязгаартай мөнгөөр хэрхэн яаж зохицуулах вэ? “Мөнгөний эзэн ба боол” ном нь санхүү, эдийн засгийн суурь ойлголтуудыг бодит жишээ, болсон явдалд тулгуурлан, комик зургаар баяжуулан энгийн үг, хэллэгээр тайлбарлаж, хандлагаа өөрчилж санхүүгээ удирдах боломжийн талаар бүх насныханд зориулсан ном юм.