Монгол

“Дэлхийн Усны Эх Монгол Голомт” НҮТББ-аас эрхлэн гаргаж буй “Архангай аймгийн Урлаг Соёлын товчоон” хэмээх түүх, эх сурвалж, дурсамж болсон номыг Урлаг Соёлын өв болгох зорилготойгоор эрхлэн гаргасан билээ. “Архангай аймгийн Урлаг Соёлын товчоон” бүтээл нь Архангай аймгаас гаралтай Дүрслэх урлагийн салбарын болон Урлаг соёлын зүтгэлтэн, Монголд алдартай уран бүтээлчдийн амьдрал тэмцэл, Бүтээл, түүх дурсамжийг гурван үеийн хэлхээ болгон үлдээснээрээ онцлог юм.Монгол Улсын Хөдөлмөрийн баатар, Төрийн шагналт, Ардын зураач Н.Цүлтэм гуай:“Монголчууд дэлхийн соёл иргэншлийн түүхэнд гурван том хувь нэмэр оруулсан юм.Үүнд: Тэнгэрээс Газар руу дээрээс доош бичдэг “Монгол бичиг”,Газраас Тэнгэрт цуурайлах “Уртын дуу”,Энэ хоёрыг холбодог “Хадны зураг” бол “Монголчуудын гурван гайхамшиг” гэж хэлж байсан.Энэ утгыг билгэдэн Архангай аймгийн “Дүрслэх урлаг”, “Утга зохиол”, “Урлаг соёл”-ын Төлөөлөгчдийн Өв сан Туурвил бүтээл Урын сангаас толилуулж байна.“Архангай аймгийн Урлаг Соёлын товчоон” ном нь Архангай аймгийн Урлаг Соёлын 100 жилийн Түүх Дурсамж Эх сурвалж, Урлагийн хүний Сэтгэл догдлом, үнэн бодит амьдралыг өгүүлсэн Хөрөг Ярилцлага Хууч Танилцуулга Бүтээлүүд орсон.