Америкийн нэрт мэдрэлийн эмч, эрүүл мэндээ сайжруулах олон тооны цогц номууд бичсэн Дэвид Перлмуттер эмчийн хамгийн алдартай ном болох "ҮР ТАРИАНЫ ТАРХИ" ном Монгол хэл дээр хэвлэгдлээ. Гуриланд агуулагдах цавуулаг, чихэр, нүүрс ус тархи, эрүүл мэндийг хэрхэн сүйтгэж буй талаар Перлмуттер эмчийн бичсэн Нью-Йорк Таймс сонины №1 бестселлер ном хоол тэжээлийн болон мэдрэлийн шинжлэх ухааны хамгийн сүүлийн үеийн мэдээллээр 2018 онд дахин шинэчлэгдсэн болно. Энэхүү номыг Хүний Их Эмч, Хүүхдийн Эмч, Нийгмийн Эрүүл Мэндийн Магистр Дашпэл овогтой Чинбат орчуулж, редакторлосон болно.
Бүх насаараа мэдрэлийн эмчээр ажилласан, мөн хоол тэжээл, нэгдмэл анагаах ухаанд мэргэшсэн Дэвид Перлмуттер эмчийн "ҮР ТАРИАНЫ ТАРХИ" ном анх 2013 онд хэвлэгдсэн гарснаас хойш Америкчуудын, Барууны хооллолт, ерөнхий хоол тэжээлийн хүрээнд хувьсгалыг эхлүүлсэн. Түүнээс хойш энэхүү ном дэлхийн 30 хэл рүү орчуулагдаж, сая сая уншигчдад эрүүл мэндээ сайжруулахад туслах хэрэгслүүдийг өгчээ. Тэд ямарч эмгүйгээр жингээ хасаж, архаг ядаргаа, нойргүйдэл, сэтгэл гутрал, сэтгэл түгшилт, төрөл бүрийн архаг эмгэгүүд, шинж тэмдгүүдээ сайжруулж, бүр арилгаж чадсан.
Энэхүү ном нь бүх насныхан, бүх эцэг эхчүүд, ирээдүйн эцэг эхчүүдийн, архаг өвчтэй, эрүүл мэндийн асуудалтай хүмүүсийн заавал унших ёстой ном юм. Та ямар нэгэн эрүүл мэндийн асуудалгүй ч байсан тархиныхаа хүч чадлыг нэмэгдүүлж, ой санамжаа хадгалж, сэтгэл санаа, эрч хүчээ дээшлүүлж, бусад нийтлэг зовууриас ангижрахыг хүсэж байвал энэхүү ном таны хөтөч болно.
Та энэхүү номноос, бидний өдөр бүр иддэг цавуулгаар дүүрэн гурилан бүтээгдэхүүнүүд (бүхэл үрийн гурилыг оруулаад), чихэр, нүүрс ус яагаад бидний эрүүл мэнд, тархийг сүйтгэж байна гэж? Өөх тос, холестерин хүний биед үнэхээр муу юу? гэх мэт асуултуудад шинжлэх ухааны нотолгоотой дэлгэрэнгүй хариултыг аваарай.
Та энэхүү номыг уншсанаар өөрийн болоод гэр бүлийнхнийхээ эрүүл мэндийг хамгаалах, амьдралаа өөрчлөх үнэ цэнэтэй мэдээллийг олж авах болно.