Ханзыг цээжлэх амархан сурах арга бол түлхүүр үсгээр нь задлан ойлгох явдал юм. Япон хэл сурахад хамгийн том саад нь ханз үсэг байдаг.
Япон хэлийг анхлан болон бие даан сурагсдад зориулан япон хэлний (N4 түвшний) 200 гаруй ханзыг
• түлхүүр үсгийн системчилсэн задаргаатай,
• ойлгож цээжлэхэд амархан зураг,
• үсгийг бичих зурлагын дараалал,
• гарвалзүйн тайлбар, дуудлага
• ханзны жишээтэйгээр нэгтгэсэн Ханзыг хиаруул N4 ном.
Энэ номын ялгарах онцлог:
Зарим нийлэмж ханзны тайлбар: хоёр гурван ханзнаас бүрдсэн нийлэмж ханзны утга яаж үүсэж байгааг тайлбарласан.
Ханзны салаа утгын тайлбар: ихэнх ном сурах бичигт ханзны салаа нэмэлт утгуудыг яаж үүсэж байгааг тайлбарлаагүй байдаг. Энэ номд тайлбарлаж өгсөн.
Үндсэн утга. Үндсэн утга нь аль болох эхэнд, ТОМООР бичигдсэн. Зарим ханз салаалсан олон утгатай байдаг. Салаа утгуудыг нь жижгээр бичсэн. Ханзны олон утгыг мартлаа гэхэд үндсэн утгаа санах хэрэгтэй.
Ханзны зурлагын дараалал. Зурлагын дарааллаар нь бие даан тусдаа дэвтэр дээр давтан бичиж болно.
Монголоор хайх жагсаалт: номын арын хэсэг дэх монгол жагсаалтаас хайж олж болно. Ингэж номноос хэрэгтэй хэсгээ олох нь маш их ЦАГ ХЭМНЭДЭГ.
Зурлагаар хайх жагсаалт: ханзны зурлагын тоогоор хайх жагсаалт оруулсан учир хайж байгаа ханзаа олоход хялбар.