Яруу найраг хэмээх энэхүү тэнгэрлэг үйл гуниг зовлонгийн үүдэл шалтгаантай мэт боловч уншаад дуусахаар гэгээн тунгалаг мэдрэмж төрүүлэн бидний сэтгэл зүрхийг илааршуулан, зөөллөдөг тийм л ариулаг чанартай. Ч.Мөнхбаярын шүлгүүдийг өнгө аяс хийгээд утга бодлогоширлоор нь "Сонгодог бодлогоширол", "Гэгээн хаврын өглөө" гэж хоёр хуваан хавтаслаж байна, аль талаас нь сөхөхийг мэргэн уншигч таны сонголтод даатгая. Түүний шүлгүүдэд бас дуунуудад гүнзгий харуусал, гэгээн гуниг, энгүй хайрын дуу, ихээ холын санаашрал, ирээдүй маргаашдаа итгэх бат алсын зөн, амьдралд хайртай байхын ухаарал.., бүхэн бий.