Монголын өмчийн тогтолцооны шилжилт"" бүтээлийг эрх зүйн болон бусад салбарын суралцагсад нь анхан шатны мэдлэг олж авах зорилгоор унших боломжтой ба зарим өмчийн институтийн талаарх харьцуулсан болон түүхчилсэн судалгааг ахисан түвшний суралцагсад ашиглах зорилготой нийтэлжээ.

Дотоодын эрх зүйн тогтолцоо дахь өмчийн ойлголт, үзэл баримтлалыг либерал загварын төлөөлөх улс орны өмчийн үзэл баримтлалтай харьцуулан судлахын тулд мөн эсрэг загвар бүхий тоталитар өмчийн үзлийг харьцуулан үзсэн байна. Нийтийн болон хувийн эрх зүйн огтлолцол дээр орших энэхүү эрх зүйн институтийг улс орон бүр өөрийн гэсэн онцлогт тохируулан харилцан адилгүй категориор илэрхийлсэн нь өмчийн концепцийг бүрдүүлдэг. Рецепцийн уламжлал бүхий эрх зүйн тогтолцоонд тухайн нийгэм дэх үнэт зүйлсийн үнэлэмжтэй салшгүй холбоотой өмчийн үзэл баримтлал, хамгаалалт нь харьцангуй удаан шилжин хувьсаж байгаа нь түүхчилсэн харьцуулалтаар харуулжээ.