АШУҮИС-ийн Нийгмийн эрүүл мэндийн сургуулийн багш АУ-ны доктор, дэд профессор С.Мягмарчулуун, Мэргэжлийн өвчин судлалын эмч АУ-ны магистр, клиникийн профессор Д.Гангаамаа нарын боловсруулсан “Мэргэжлээс шалтгаалсан өвчин судлал” сурах бичиг нь 12 бүлэгтэй, 29.5 хэвлэлийн хуудастайгаар бичигдсэн.
Монгол улсад барилга, уул уурхай, зам тээвэр, хүнд хөнгөн үйлдвэрлэлийн салбар эрчимтэй хөгжиж байгаатай зэрэгцэн ажлын байрны сөрөг нөлөөллүүд нэмэгдсээр байна. Хөдөлмөрийн аюултай, хортой хүчин зүйлүүдийг үнэлэх, сөрөг нөлөөллөөс урьдчилан сэргийлэх, бууруулах, арилгах, хяналтыг сайжруулахад хууль эрхзүйн бодлого зохицуулалт, дүрэм журам, стандартуудыг аж ахуйн нэгж байгууллагуудад мөрдөн хэрэгжүүлж байгаа ч үйлдвэрлэлийн осол, мэргэжлээс шалтгаалсан өвчний тоо тогтвортой буурахгүй байна. Үйлдвэр, уул уурхай болон хөдөлмөр эрхлэж байгаа нийт баялаг бүтээгч ажилчдын эрүүл мэнд нь улс орны нийгэм эдийн засаг, хүрээлэн буй орчин, биологи, нийгмийн олон хүчин зүйлээс хамаардаг цогц асуудал юм.
АШУҮИС-ийн НЭМ судлалч, Эрүүл ахуйч тархвар судлалч, Хөдөлмөрийн аюулгүй байдал, эрүүл ахуйн мэргэжилтнүүд нь ажлын байран дээр мэргэжлээс шалтгаалах өвчний тандах, мэдээлэх, өвчлөлөөс урьдчилан сэргийлэх үйл ажиллагааг хийх мэдлэг, чадвар, хандлагатай мэргэжилтэн байдаг ба уг мэдлэг, чадварыг Хөдөлмөрийн анагаах ухаан, Мэргэжлээс шалтгаалсан өвчин судлал хичээлүүдээр олгодог.