Хайду хаан хорвоод мэндэлснээс хойш 66 насыг наслахдаа 46 жилд нь морины нуруунаас буулгүй сөрөг хүчний дарангуйллыг сөрөн тэмцэж уугуул Монгол улсынхаа хүн ард, алтан ургийн ихэнх хан хөвгүүд, хатад гүнжүүдийн сэтгэлийг булааж өөртөө дагуулан мохошгүй зоригт, мөхөшгүй тэмцэгчдийн нэг нь байсан юм. Түүний алаг хорвоод амьдарсан жаранд болж өнгөрсөн хугацаанд хааан төр хэрхэн хувирч өөрчлөгдөж байсныг өчүүхэн бичээч миний бие уншигч таны сонорт хүргэж, зүрхэнд мөнхлөхийг хичээн бие сэтгэлээ чилээн сууж дуусгавай.