Парламентын шинэтгэлийн асуудлыг хөндөн бичсэн энэхүү бүтээлд ард түмний төлөөллийн дээд байгууллага-парламентын хувьсал, өөрчлөлт, шинэтгэлийн үйл явцын талаар өгүүлнэ.
Ингэхдээ парламентат ёсны төлөвшил, түүхэн хөгжил, онол, арга зүйн асуудлыг шинэтгэлийн үйл явцтай нь харилцан уялдаанд авч үзсэн. Мөн Монгол Улсын байнгын ажиллагаатай парламентын үүсэл хөгжил, шинэтгэлийн үйл явц, үр дүнг улс төр, эдийн засаг, нийгэм, соёлын амьдрал дахь өсөн нэмэгдэж буй үүрэг, оролцоотой нь холбон тайлбарлана.
Төгсгөлд нь парламент алс хэтдээ хэрхэн хөгжих, ард түмнийг төлөөлөх уугуул мөн чанар, онцлогоо хэрхэн хадгалж, тодруулж явах гэдгийг тодорхойлох оролдлого хийсэн болно.