Атопийн дерматит буюу диатез, экзем гэх нэршлээр танил болсон харшлын нэг төрлийн өвчин бидний амьдарч буй нийгэмд хэдийнээ их тархжээ. Гэтэл атопийн дерматит өвчин нь харшлын зөвхөн ил харагдаж буй мөсөн уулын орой гэлтэй. Учир нь уг харшлын өвчний суурь нь нас ахих тусам харшлын ринит (ургамал, тоос зэрэг харшил төрүүлэгчид амьсгалын замаар орж, хамар битүүрэн, найтаах шинжээр илэрдэг өвчин), харшлын гаралтай гуурсан хоолойн багтраа (харшил төрүүлэгчид амьсгалын доод замд очин, харшлын урвал өрнүүлдэг өвчин) болон чонон хөрвөс зэрэг өвчний эхлэлийг тавьдаг, хайнга орхивол биднийг насан туршдаа бие мах бод сэтгэлий хувьд зовоодог өвчин юм. Зөвхөн та өөрөө туураад, ядраад өнгөрөх үү гэвэл үгүй, та үеийн үедээ энэ өвнийг өвлүүлэн тээх тээгч болж байдаг юм. Иймд цаад аюул нь бидэнд мэдэхгдэхгүйгээр тэлсээр байдаг энэ өвчнийг бид хүндрүүлэхгүй, үр хүүхдүүддээ хурцаар өвлүүлэхгүйн тулд одооноос анхаарч, сэдрэлээс сэргийлэх хэрэгтэй болж байна. Үүний тулд бид бүхнээс хамгийн түрүүнд биеэр орж буй хоол хүнсэндээ анхаарах, гадаад орчин харийн өвчин үүсгэгч нэвтрэхээс сэргийлж байдаг арьсаа хамгаалж, арчлах нь туйлын чухал юм аа.
Уг номонд хоол хүнсний харшлын сорил тавиулаад харшил төрүүлэгч хоол хүнс илрээгүй эсвэл ганц нэгхэн хүнсний төрөл зүйлээс харшилтай болох нь тогтдоогдоод, тухайн хоол хүнсээ хэрэглээгүй хэр нь харшил нь сэдрээд буй тохиолдолд баримтлах хооллолтын зөвлөгөө, диатез буюу атопийн дерматитын үед арьсанд гарч буй бүтэц, үйл ажиллагааны өөрчлөлт, түүнд тохируулан арьсаа хэрхэн арчлах тухай зөвлөгөөг багтаасан. Гэтэл амьдрал дээр уг дэглэм, арьс арчилгааг баримтлахад ямар их тэсвэр тэвчээр шаарддаг, уншаад өнгөрөхөд амархан боловч хэрэгжүүлэхэд хичнээн хэцүү болох, эдгээр хэцүү мөчийг даван туулахгүй л бол өвчиндөө дийлдэж, нугачин дарагдах эрсдэл хүлээж байдаг тул диатезтай хүмүүс, тэдгээрийн гэр бүлд та болон таны гэр бүл л ганцаараа ядардаг биш тантай ижил маш олон хүмүүс, эмч бид нар хүмүүс ядарч, хэцүү мөчийг даван туулж чаддаг гэдгийг ойлгуулах үүднээс хоёр талтайгаар бичсэн.