Кирилл, латин галиг ашиглаж буй 10 хэлний үгсийг босоо хэлбэрээр шууд бичих боломжтой энэхүү шинэ цагаан толгойг зохиомжлоход нэн энгийн 60 зурлагын жагсаалтыг эхний ээлжид гарган авав. Тэдгээрт үндэслэн 10 хэлний 100 орчим эгшиг ба 200 гаруй гийгүүлэгчийг харьцуулан оноож бүтээсэн болно. Зурлагын нэг ч элемент хоорондоо давтагдахгүй учир сурч тогтооход нэн хялбар. Мөн кирилл, латин галиг хийгээд уламжлалт уйгуржин монгол бичигт буй үсгийн элементтэй аль болох ойролцоо харагдуулах чиглэлийг баримталсан нь харьцуулж бодоод төсөөлөн бичихэд дөхөм үзүүлэхээр байгаа.