Ухаантан мэргэд, зохиолч, яруу найрагч, эрдэмтэд, улс төрийн зүтгэлтэн, тэрбумтан нарын айлдсан онч мэргэн үг, сургаал үнэхээр дундаршгүй баялаг юм. Өмнө нь 'Ухаант хүмүүсийн сургаалаас' номыг нэг, хоёрдугаар дэвтрээр гаргаж, уншигч олонд өргөн барьсантай та бүхэн танилцсан гэдэгт гүнээ итгэж байна. 'Өдөр бүр ядаж нэг дуу сонсож, уран зураг үзэх буюу мэргэн үг ганцыг ч болов уншиж байх хэрэгтэй' гэж Германы нэрт зохиолч, яруу найрагч И.В.Гёте сургасан байдаг. Өргөн олон уншигчид, хүүхэд залуус мэргэн үг сургаалийг уншиж, сайтар судлан ажил амьдралдаа хэрэглэвэл нэн тустай. Өмнөх хоёр номонд ороогүй сургаал үгийг дээжлэн түүвэрлэж, та бүхэнд гуравдугаар дэвтрийг өргөн барьж байна. Таалан хүлээж авна уу.