"Зээл" гэдэг их өргөн ойлголт бөгөөд зохиогч би бээр энэ номдоо зөвхөн хэрэглээний зээл түүн дотроо "Цалингийн зээл" -ийн талаар амьдрал дээрх жишээг иш татан зохиомжилж, судалгааны үр дүнгүүд, зээлийн эрсдэл, түүнээс урьдчилан сэргийлэх, зээлээ хэрхэн хурдан төлж дуусгах арга, алхмуудыг бодит тооцооллоор үзүүлж, уншигч танд туслахыг хичээн, тайлбарлан бичлээ.

Та энэхүү номоос бага ч болтугай санаа авч, санхүүгийн мэдлэгээ тэлж, үнэхээр "зээлийн тойрог"-т орсон бол түүнээс гарах боломжтой юм байна гэдэг итгэлийг олж, урам, зориг авч чадвал миний зорилго биеллээ л гэсэн үг юм.

Таны цалингийн зээлийн хэмжээ их, бага эсэхээс үл хамаарч зээлээ удирдаж сурах чадварт нь амжилт хүсье!