Дэлхийн цөөнгүй улс орны дундаж наслалт 80 наснаас дээш болжээ. Монгол хүн тэр бүр 80 насалж чаддаггүй, Монгол аав бүр тэтгэвэрт гарч чаддаггүй. Энэ урт наслалтад хамгийн их чухлаар нөлөөлдөг зүйл бол та бид нарын амьдралын дадал зуршил, хэв маяг юм. Бидний амьдарч буй орчин, амьдарч буй хэв маяг болох хөдөлгөөн, стресс, сэтгэлзүйн байдал, уух ус унд, идэх хоол хүнс, ажиллах нөхцөл зэрэг өдөр тутмын амьдралын хэв маягаа эрүүл, зөв урлаж чадвал урт наслах бүрэн боломжтой. Монгол хүн зөв дадал зуршил, эрүүл хэв маягийг маш сайн ойлгодог, эрт илрүүлэг урьдчилан сэргийлэх шинжилгээнд хамрагдаж өвчин эмгэгийг бага дээр эмчилж чаддаг байх ёстой. Иймд Монгол хүн 80 насалъя, Монгол аав бүр тэтгэвэрт гардаг болъё. Эх орондоо эрүүл хэв маягаа урлаж урт насалж удаан жаргая.