Аман түүхч Д.Нарантуяа нь энэхүү зурагт түүхийг Солонгосын дайнд нэрвэгдэж эх, эцгээ алдсан БНАСАУ-ын 200 орчим өнчин хүүхдүүдэд зориулан 1952-59 онд Улаанбаатар хотод ажиллаж байсан хүүхэд хүмүүжүүлэх газар ба Солонгос сургуулийн тухай түүхийг эдгээр хүүхдүүдэд биечлэн тусалж байсан монгол хүмүүсийн яриа дурсамж, баримт, бичвэр, баримтат кино ба Улсын архивын материалд үндэслэн бичжээ. Энэхүү бүтээлд Солонгосын дайны тухай, нутаг буцсан сурагчдаас илгээсэн захидал, тэдний заримтай 30 жилийн дараа уулзсан багшийн сэтгэгдэл мөн багтсан байна.