Монголын орчин үеийн соёл, урлаг, утга зохиол, гоо зүй судлалын нэрт эрдэмтэн, хэл бичгийн ухааны доктор, профессор Сономын Лувсанванданы монголын түүх, шинжлэх ухаанд түүний оруулсан хувь нэмрийг эрдэм шинжилгээний товч агуулга бүхий “Намтар ном зүй”-ээр илэрхийлэл болгон эмхэтгэж та бүхэнд хүргэж байна. “Сономын Лувсанванданы намтар ном зүй”-д Л.Лувсанванданы эрдмийн зэрэг хамгаалсан бүтээл, ном товхимол, хамтарсан бүтээл, удирдаж хамгаалуулсан докторын диссертац, боловсруулсан хууль, эрдэм шинжилгээний өгүүлэл зэрэг бүтээлүүдийг хэвлэгдсэн он дарааллаар боловсруулсан болно.