Орчин үеийн сэтгэл судлаач бүрийн зайлшгүй эзэмших ёстой чадвар бол хүний сэтгэл зүйн ертөнцөд болж буй үзэгдлүүдийг тоогоор илэрхийлж, тэдгээрийн хоорондын уялдааг тайлбарлах явдал. Ингэхийн тулд статистик шинжилгээнүүд, арга зүйг сайтар эзэмшсэн байх ёстой. Үүнд бидний зүгээс өчүүхэн ч гэлээ хувь нэмэр оруулах зорилгоор сэтгэл судлалд статистик арга зүйг хэрхэн ашиглах тухай энэхүү номыг бичихээр зорьсон билээ.