Анх суралцахаар ирсэн оюутнуудад бүх зүйл танил бус бэрхшээлтэй байдаг. Цагийн ажил олж хийх, амьдрах байраа хэрхэн олох.............??? Банкны данс нээх, виз сунгах, тэтгэлэг авах, сургуульд apply /элсэх хүсэлт гаргах/ хийх, ярилцлагын шалгалтад хэрхэн бэлдэх, тэнцэх вэ? зэрэг маш олон асуултууд тулгардаг. Миний хувьд Солонгос хэлийг ямар арга барилаар богино хугацаанд эзэмшиж ТOPIK-н оноотой болсон туршлагаас эхлээд сургалтын төлбөрөө хэрхэн цуглуулж, Магистрт элсэн суралцсан гэх өөрийн туулж өнгөрүүлсэн амьдралаа бусдад туршлага болгох зорилгоор бичлээ.

Би энэхүү номоороо оюутнуудын болон оршин суугч Монгол иргэдийн өдөр тутмын амьдралд тулгардаг олон асуултад хариулт өгөх, эхэн үеийн бэрхшээлийг аль болох хүндрэл багатайгаар туулахад туслах зорилгоор бүтээлээ. Мөн сурахынхаа хажуугаар амьдралаа сонирхолтой болгох, аз жаргалтайгаар суралцсан аргаа ч бас хуваалцахаар шийдэж Солонгос улсын үзэсгэлэнт газруудад хэрхэн хямд зардлаар аялсан туршлагаасаа ч хуваалцлаа. Энэхүү ном нь тус улсад суралцахаар зэхэж буй, суралцаж буй түүгээр ч зогсохгүй ажиллаж хөдөлмөрлөж буй бүх хүмүүст туслах гарын авлага болох юм.