Талархлын талаарх 20 гаруй ном зохиолыг уншиж хамгийн гол гэсэн хэсгүүдийг орчуулан эмхэтгэн гаргав. Энэхүү номыг уншсанаар ганцаардал, уйтгар гунигийг элдэн хөөж, уур хилэн атаа хорслыг уучилж, айдас түгшүүрээс салах болно. Түүнчлэн хүсэл эрмэлзэлтэй болж, мөрөөдлөө биелүүлэх эрч хүчийг олсноор энгийн жижиг зүйлд ч талархах дадал бий болно. Мөн талархал нь өөрийгөө хайрлах ухаан, өрөөл бусдыг хүндлэх сэтгэл, одоо цагт төвлөрөх чадвар, ойр хавиасаа аз жаргалыг олж мэдрэх зуршил, талархлын өдрийн тэмдэглэл хөтлөх дадлыг хэвшүүлж өгөх болно.
Талархлын талаарх судалгаагаараа дэлхийд танигдсан доктор Роберт Эммонс нь “Талархдаг хүмүүс эерэг өөдрөг сэтгэл хөдлөлийг СОНГОЖ чаддаг төдийгүй, өөрсдийнхөө сул талд анхаарлаа хандуулдаггүй, өөртөө байгаа сайн талыг нээхийг чухалчилдаг” гэж хэлсэн бол Ромын алдарт философич Кикэру нь “Талархах сэтгэл нь хамгийн эрхэм ёс зүй төдийгүй бүх ёс зүйн эцэг” гэж тодорхойлсон. Тэрээр нэг зорилгоо биелүүлэхэд дараагийн зорилго хүлээж байдагтай адил талархахад дараагийн талархах зүйл хүлээж л байдаг. Тухайн зүйлдээ талархаж дуусаад аз жаргал хормын төдий зүйл гэж тавгүйтэхгүйгээр сэтгэл хөдлөлөө барьж тасралтгүйгээр талархлыг эрж хайх СОНГОЛТ-ыг хийгээрэй гэж зөвлөсөн.
Бид өөрсдөө сэтгэл хөдлөлөө сонгож түүндээ захирагддаг. Иймд сэтгэл хөдлөл нь таны СОНГОЛТ гэдгийг бүү мартаарай.