"Санаа авахаас бүү ай", "Ажил бүтээлээ дэлгэ" хэмээх Нью Йорк Таймсын бестселлер бүтээлүүддээ Остин Клеон бүтээлч байдлаа хэрхэн нээж илрүүлэх, олон нийтэд хэрхэн танигдах аргуудыг уншигчдад танилцуулсан билээ. Тэгвэл зохиогч энэ удаа хүн амьдралынхаа туршид хэрхэн бүтээлч, төвлөрөнгүй, өөртөө үнэнч хэвээрээ үлдэх вэ гэдгийг таны өмнө дэлгэн тавьж байна. Энэхүү бүтээлийн цагийн шалгуурыг давсан, амьдралд буусан, ёс зүйт зарчмууд утга учиртай, бүтээмжтэй амьдрахыг хүсэгч хэн бүхэнд хэрэг болох нь дамжиггүй.