"Улаан шувууны жиргээ” роман нь хувь хүн болон нийгмийн амьдралын харилцан хамаарал, зөрчлийг өвөрмөцөөр илэрхийлсэн зохиол юм. Зохиолд амьдралын сайн сайханд тэмүүлсэн залуу хүний хүсэл тэмүүлэл амьдарч буй цаг үеийнх нь нийтлэг хандлага, нэгэн хэвийн гэмээр залхаг орчин, хүмүүсийн харилцаа, ёс зүй, Моральтай хэрхэн зөрчилдөж буйг дүрийн ертөнцийн сэтгэл зүйгээр дамжуулан өгүүлжээ. Мөн романд аливаа хүн, тэр тусмаа залуу хүн амьдралын ямар ч саад бэрхшээлтэй тулгарсан ч хүсэл мөрөөдлөө хэзээ ч орхиж болохгүй гэсэн санаа илэрхийлэгддэг. Үүний зэрэгцээ энэхүү түүвэрт уг романтай хамт зохиогчийн зарим богино хүүрнэлүүд хавсрал болон түүвэрлэгдэн хэвлэгджээ.