Аливаа ард түмний ертөнцийг үзэх үзэл нь объектив ертөнцтэй холбоотой тэдний үзэл бодол, юмс үзэгдлийн талаарх сэтгэлгээний систем, мөн хүмүүсийн амьдралын байр суурь, итгэл үнэмшил, үйл ажиллагаа, үнэт зүйлстэй нягт холбоотой. Хүн төрөлхтний түүхийн туршид нийгмийн амьдрал улам бүр ээдрээтэй болохын хэрээр хүмүүсийн ертөнцийг үзэх үзлийг илэрхийлэх зүйр цэцэн үгс нь тэдний хоорондын харилцаа, сэтгэл санаа, үзэл бодолд нөлөө бүхий хүчин зүйл байж хүмүүсийн үнэт зүйлсийн тогтолцоо, ёс суртахууны хандлага, зан төлөвт нөлөөлсөөр иржээ.