Халхын бурхны шашны анхны хийдийн судалгааны үндсэн сурвалж "Эрдэнэ зуугийн намтар оршвой" хэмээх сурвалжийг судалж, галиг, тайлбар үйлдэж, үндсэн 2 эхийг хавсарган хэвлүүлсэн болно. Энэхүү сурвалжид Эрдэнэ зуу хийдийн анх үүсэж бүрэлдсэн, түүний бурхан шүтээн, сүм суварга, хэрэм, түүх, соёл үнэт дурсгалууд зэрэг тус хийдийн үүсэл, хөгжлийн түүхэнд шууд холбогдох маш сонирхолтой түүхэн мэдээ баримтууд агуулагджээ. Энэхүү бүтээлийг 1803 онд Эрдэнэ зуугийн VII номч цорж Дагвадаржаа зохиосон бололтой байна.