"Долоон хавартын шинжээ" судар маань та бүхэндээ хүрэхэд бэлэн боллоо. Нүүдэлчин монголчууд дэлхийн талыг эзэлж, ноёрхлоо тогтоож байсан нууц нь хүмүүс зөв газраа хийх ёстой үйлэндээ эзэн суухад оршдогийг мэддэг байжээ. Үүний үндэс нь хүүхдийг олдох цагаас нь эхлээд өсвөр насанд хүртэл шинжиж авьяас билгийг нь нээж илрүүлдэг нэгэн гайхамшигт өв соёлтой байжээ. Энэ ухаан, өв соёлыг сэрээхийн тулд Гэрлийн Өргөөний эрхэм андуудын хамт Онгод дээдсүүдийн сургаалыг өртөөлөн ном болгож бүтээлээ. Та бүхэн маань таалан соёрхоно уу. Монголын үрс маш олон, заяандаа эзэн болох болтугай.