ЗСБНХУ-ын УАХХ-ны Гадаад тагнуулын албаны сүүлчийн дарга Л.В.Шебаршины дурсамжийн энэхүү номд Зөвлөлт Холбоот Улс нуран унахын өмнөх үйл явдлууд болон аугаа их улс орны хувь заяаг эрс өөрчилсөн 1991 оны “наймдугаар сарын хуйвалдаан”-ы өдрүүдийн талаар өгүүлж байна. Тэрээр тагнуулын байгууллагад ч нөлөөлсөн төр засаг, нийгмийн энэхүү хямралын талаар өгүүлэхдээ элсүүлэлтийн ажил, хилийн чанад дахь туршуулуудтай холбоо барих, мэдээлэл цуглуулах, “суурин” тагнуулын ажиллагаатай холбоотой сэдвүүдийг хөндөн гаргажээ.
ЗСБНХУ нуран унаад 30 гаруй жил өнгөрчээ. Бидний зарим нь шинэ нөхцөл байдалд бүрэн дасан зохицсон боловч Л.В.Шебаршин ингэж чадаагүй юм. Домогт тагнуулч, ЗСБНХУ-ын Гадаад тагнуулын албаны тэргүүн асан түүний шударга, үнэнч зан чанар, эр зоригийг түүний дайснууд ч хүлээн зөвшөөрч байв. Тэрээр 2012 онд амиа егүүтгэсэн юм. Түүний шинжлэн дүгнэх хурц ухаан, мэдлэг, туршлага өөрчлөгдөн хувирч байсан Орос оронд хэрэггүй болсноос тэр гэж үү ...
Энэхүү номд дэслэгч-генералын дурсамж, ярилцлагууд багтжээ.