Миний бие гадаад хэл ба технологийг хослуулан суралцах нь хамгийн үр дүнтэй байж болохыг батлах зорилтын хүрээнд солонгос хэлний жишээн дээр 50 гаруй сурах бичиг, эмхэтгэл зэргийг боловсруулан туршилт явуулсан бөгөөд судалгааны үр дүн маань хангалттай сайн гарсан. Ийм учир цаашид бидний алсын хараа болох Монгол хүнийг богино хугацаанд чанартай сургах аргачлалыг бусад хэл дээр яагаад туршиж болохгүй вэ? гэсэн үндсэн үзэл баримтлалын хүрээнд төсөл хөтөлбөрийг хэрэгжүүлэн та бүхний өмнө хятад хэлний анхлан суралцагч нарт зориулан "Хятад хэлийг зөв суурьтай сурмаар байна уу?” сурах бичиг - 1 бүтээлийг HSK-ийн суурь мэдлэгээс 4-р түвшинд нийцүүлэн шат дараатай суралцах системтэй. Мөн өгүүлбэр бүрийг http://worldlanguage.mn/ сайтын цахим өгүүлбэр талбарт өгүүлбэрийн харгалзах кодыг оруулж өгснөөр өгүүлбэрийн орчуулга, үг хийгээд дүрмээр задлан харах боломжтой. Манай байгууллагын хувьд "Нарийн гарц" олон хэл, хэл шинжлэлийн хүрээлэн бөгөөд гадаад хэлийг монгол хүний сэтгэлгээнд нийцүүлэн хэрхэн хялбар, зөв суурьтай, ойлгомжтой байж болох вэ? гэсэн сэдвийн хүрээнд олон талт судалгааг баг хамт олноороо хөгжүүлэн явуулдаг хувийн хэвшлийн хүрээлэн юм. Энэ удаад гарч буй хятад хэлний судалгаан дээр хамтран ажилласан Д. Анужин, Э. Цэнгүүн-Уянга нартаа талархал илэрхийлэхийн зэрэгцээ цаашид ч бид монголын ирээдүйг гэрэлтүүлэхийн төлөө хичээн зүтгэж монголдоо төдийгүй дэлхийн хэмжээнд өрсөлдөхүйц судалгааны байгууллага байхын төлөө өдөр бүр хөгжин урагшилсаар байх болно.