Энэхүү бүтээл маань эрх зүйн рецепцэд суурилж ирсэн Монгол улсын компанийн эрх зүй өөрийн онцлогд нийцсэн “идентити - ялгарал”-тай болох хөрс суурь бүрдэхэд хувь нэмэр оруулна хэмээн гүнээ итгэнэ. Ялангуяа, үйл ажиллагаа явуулж байгаа нийт компанийн дотор хязгаарлагдмал хариуцлагатай компанийн эзлэх байр суурь үлэмж байгаа Монгол улсын хувьд хязгаарлагдмал хариуцлагатай компанид холбогдох амьд эрх зүйг хөгжүүлэх нь компанийн эрх зүйн хүрээнд нэн тэргүүнд тавигдах ёстой болохыг сурах бичгийн системчлэлээр илэрхийлэхийг зорилоо.