"Оюутан суралцагсад нь байнгын бодлого, дасгал хийснээр: мэдээллийг хүлээн авагчаас мэдээллийг бүтээгч, бясалгагч, баяжуулагч, хөгжүүлэгчийн хэмжээнд хүртлээ хөгжих увдистай билээ. Бодлого, дасгал нь ургуулан бодох авьяасыг хөгжүүлэх, оюуны багтаамжийг тэлэх үйлчлэлтэй тул сургалтын ажлын зайлшгүй нэг хувилбар юм. Байнгын бодлого, дасгал хийлгүйгээр бүхнийг лекцийн материалаар оюуны сандаа бэхжүүлж, өөртөө шингээж, итгэл үнэмшлийн хэмжээнд хүртэл нь эзэмшиж чадахгүй.Ахисан түвшний органик хими нь орон зайн үзэгдэл, электрон эффект, урвалын механизмын хими даруй мөн билээ. Учир нь органик химийг хэрэглээнд хувиргахад энэхүү гурван тулгуурыг тооцолгүйгээр, анхаарахгүйгээр ерөөс бүтэшгүй юм. Бодлогын хариугаар дамжуулан оюутанд мэдлэг олгох туйлын зорилгоо хэрэгжүүлэхийн тулд хариуг зориуд дэлгэрэнгүй тайлбартайгаар өглөө.